دغيم الظلماوي , هو دغيّم بن عيد بن بشير من الشلقان من شمر، ويشتهر بدغيّم الظلماوي , شاعر مشهور في الثقافة الشعبية في نجد ، عاش في منطقة حائل في فترة حكم آل رشيد , يشتهر بلقب الظلماوي وبكرمه ولهُ قصيدة القهوة المشهورة “يا كليب”
ياكليب شب النار ياكليب شبه ………….. عليك شبه والحطب لك يجابي
وأنا علي يا كليب هيله وحبه ………………. وعليك تقليط الدلال العذابي
الوالمه يا كليب عجل بصبه …………… والرزق عند اللي ينشي السحابي
وإدغث لها يا كليب من جزل خبه …………… وشبه ليا منه هبا كل هابي
أبي ليا شبيتها ثم قبه ……………………… تجلب سراة من بعيد غيابي
بنسرية يا كليب صلف مهبه …………….. ليا هب نسناسه تقل سم دابي
متكتفين وناطحين مهبه …………………… متلطمين وسوقهم بالعقابي
صبه لقرم صرفته ما حسب به ……….. يوم البخيل مكنهب الوجه هابي
وصبه لمنعور ومن جاه نبه ………….. يرخص بعمره والدخن له ضبابي
وعده عن اللي مايداري المسبه ……………. اللي يدور بالقصير الغيابي
ليا باطن الهلباج خطو الجلبه ……………. يازين تالي الليل خبط الركابي
افرح لهم وابدي سلام المحبة ………………. ليا شح بالهين كبير العلابي
سلام احلى من شخاليل جبه ………. واحلى من السمن الجديد العرابي
وخطو الولد يوم الملاقا نكبه ………….. يصير معنا من حساب الزهابي
وش عاد لو يلبس زبون وجبه ………………. معيرة على غضير الشبابي
أنا لقيت الصبر يازين غبه ………….. يرقيك روس مشمرخات الهضابي
ومن لا صبر يا كليب في حكم ربه ……. هذاك يوم البعث ماله ثوابي
يقولها اللي ما حسب للمسبه ……… ولا عرقل الأجواد ببعض الهلابي
هذا هوى بالي وهذا مطبه ……………. من قبل مايسفي علينا الترابي